საგანმანათლებლო დაწესებულების მანდატურის უფროსმა ვახტანგ მეიფარიანმა, აშშ-ს სკოლის მანდატურთა ეროვნული ასოციაციის (NASRO) აღმასრულებელმა დირექტორმა ჯეიმს მორის კენედიმ და ორგანიზაციის სხვა წამომადგენლებმა 100 მანდატურს, რომლებმაც გადამზადების კურსი გაიარეს, საზეიმო ვითარებაში სერტიფიკატები გადასცეს.
ამერიკელი ინსტრუქტორების ტრენინგები 7-დან 10 ოქტომბრის ჩათვლით მიმდინარეობდა. ქართველმა მანდატურებმა გაიარეს გადამზადება შემდეგი მიმართულებით: ეფექტური კომუნიკაცია სკოლებში, მენეჯმენტის საფუძვლები, კონფლიქტის გადაჭრის არაძალადობრივი მეთოდები, დანაშაულის პრევენცია. ამით შშ-ს სკოლის მანდატურთა ეროვნული ასოციაციის (NASRO) წარმომადგენელთა ტრენინგები დასრულდა.
მანდატურის სამსახურს NASRO-სთან თანამშრომლობის რამდენიმეწლიანი გამოცდილება აქვს. ერთობლივი თანამშრომლობის ფარგლებში, NASRO-ს ინსტრუქტორები ტრენინგებს სკოლის უსაფრთხოებისა და ძალადობის პრევენციის მექნიზმების საკითხებზე ატარებდნენ.