ევროსაბჭოს ადგილობრივ და რეგიონულ ხელისუფლებათა კონგრესში დღეს უკრაინაში არსებულ ვითარებასთან დაკავშირებით დებატები გაიმართა. გამომსვლელთა შორის იყო საქართველოს რეგიონული განვითარებისა და ინფრასტრუქტურის მინისტრის მოადგილე, თენგიზ შერგელაშვილი. თავის სიტყვაში მან პარალელი გაავლო უკრაინაში ახლა მიმდინარე პროცესებსა და 2008 წლის აგვისტოში საქართველოში შექმნილ სიტუაციას შორის.
დღესვე, ევროსაბჭოს ადგილობრივ და რეგიონულ ხელისუფლებათა კონგრესმა მიიღო რეზოლუცია, რომლის მიხედვითაც,
-კონგრესი გმობს რუსეთის მილიტარისტულ ინტერვენციას აღმოსავლეთ უკრაინაში და ნებისმიერი ზეწოლის ფორმას რუსეთის მხრიდან განხორციელებულს მისი მეზობლებისადმი. უსაფრთხოება ამ კონტინენტის არის მნიშვნელოვნად შევიწროებული რუსეთის ფედერაციის განმეორებადი ცუდი მცდელობების გამო. ის არღვევს საერთაშორისო წესებს, პრინციპებსა და ნორმებს, რომელიც მან საკუთარ თავზე აიღო ევროპის საბჭოში გაწევრიანებისას.
ის, რაც მოხდა ყირიმში (უკრაინა) სამხრეთ ოსეთსა და აფხაზეთში (საქართველო), დნესტრისპირეთში (მოლდოვა) და რაც ახლა ხდება აღმოსავლეთ უკრაინაში, სრულიად ეწინააღმდეგება ევროპული საბჭოს პრინციპებს.
საერთაშორისო სამართლის პრინციპები, როგორიც არის ტერიტორიული ინტეგრაცია, სუვერენიტეტი და საერთაშორისოდ აღიარებული საზღვრების დაურღვევლობა, არის მთავარი იმპერატივი კონფლიქტის მშვიდობიანი დარეგულირების ევროსაბჭოს წევრ ქვეყნებში, მათ შორის, უკრაინაში, საქართველოში, მოლდოვასა და აზერბაიჯანში, სადაც აღინიშნება სეპარატისტული მოძრაობები. შეიარაღებული სეპარატიზმი და სხვა ქვეყნის ჯარების ინტერვენცია, რომელიც ქმნის ჰუმანიტარულ კრიზისს, არის კონგრესის ყველა სტანდარტის ანტითეზისი და იგი უნდა მოგვარდეს ეროვნული ხელისუფლებებისა და საერთაშორისო საზოგადოების ჩართულობით.
აღსანიშნავია, რომ კონგრესმა არ გაითვალისწინა რუსეთის მიერ რეზოლუციაში შესატანად წარდგენილი არცერთი მნიშვნელოვანი ცვლილება.