დაავადებათა კონტროლის ეროვნულ ცენტრში აცხადებენ, რომ იმერეთში გარდაცვლილს მამაკაცს ყირიმ-კონგოს ვირუსი დაუდასტურდა. სპეციალიტების ინფორმაციით, დაავადების გამომწვევ ერთ-ერთ სავარაუდო მიზეზად სხვა ქვეყნიდან შემოტანილი თივა სახელდება. იმერეთში, სოფელ ობჩაში 50 წლამდე მამაკაცი გარდაიცვალა. ბაღდათის გამგებლის ინფორმაციით, გარდაცვლილს ყირიმ-კონგოს ცხელება დაუდგინდა. მამაკაცი თბილისში საავადმყოფოში გადაყვანისას გარდაიცვალა. გამგებლის თქმით, გარდაცვალების მიზეზი ექიმებისათვის დაგვიანებული მიმართვა გახდა. სოფელში უკვე იმყოფებოდნენ ეპიდემიოლოგები. მათ ტერიტორიას დეზინფექცია ჩაუტარეს, თუმცა, დაავადების ნიშნები ვერ აღმოაჩინეს.