საქართველოს განათლებისა და მეცნიერების სამინისტროსა და ორგანიზაცია PH International ორგანიზებით სკოლის დირექტორთა კონფერენცია გაიმართება. კონფერენცია საქართველოს განათლებისა და მეცნიერების მინისტრის მოადგილემ ლია გიგაურმა გახსნა. ღონისძიებაში ასევე მონაწილეობდნენ USAID-ის დემოკრატიისა და მმართველობის ოფისის დირექტორის მოადგილე დეივიდ სტოუნჰილი, PH International-ის პროგრამის დირექტორი მარინა უშვერიძე და მოწვეული სკოლის დირექტორები.
კონფერენციის მიზანია სამოქალაქო განათლების ახალი პროგრამის „მომავლის თაობა“ ფარგლებში სკოლებში დაგეგმილ საქმიანობის შესახებ სკოლის დირექტორებისათვის ინფორმაციის მიწოდება. პროგრამა საქართველოს განათლებისა და მეცნიერების სამინისტროს ხელშეწყობითა და აშშ საერთაშორისო განვითარების სააგენტოს (USAID) დაფინანსებით ხორციელდება, ამერიკული ორგანიზაცია PH International-ის მიერ. პროგრამა დახმარებას გაუწევს 480 სკოლას საქართველოს ყველა რეგიონში სამოქალაქო განათლების სწავლების ხარისხის ამაღლების მიზნით. სკოლები მიიღებენ დამხმარე სახელმძღვანელოებს, იგეგმება პედაგოგთა გადამზადება, მხარდაჭერა სასკოლო სამოქალაქო კლუბების შექმნისათვის, მოსწავლეთა ხელშეწყობა სკოლისა და საზოგადოების სასარგებლოდ სხვადასხვა პროექტების განხორციელებაში და სხვა საქმიანობა სამოქალაქო განათლების გაძლიერების მიზნით.