მომავალი წლიდან კაფეებსა და რესტორნებში თამბაქოს მოწევა შეიზღუდება. ამას თამბაქოს კონტროლის სახელმწიფო სტრატეგიასა და თამბაქოს მოხმარების პრევენციის მიზნით, მომზადებული 5 კანონპროექტი ითვალისწინებს. როგორც დაავადებათა კონტროლის ეროვნული ცენტრის ხელმძღვანელი აცხადებს, საზოგადოება ჯერ არ არის მზად თამბაქოს მოხმარება სრულად აიკრძალოს. თუმცა, მისი თქმით, ამის საერთაშორისო პრაქტიკა უკვე არსებობს. ამირან გამყრელიძე აცხადებს, რომ თამბაქოს მოხმარების პრევენციისათვის კანონპროექტების დონეზე არაერთი ღონისძიებაა დაგეგმილი, რომელსაც საკანონმდებლო ორგანო სავარაუდოდ საშემოდგომო სესიაზე დაამტკიცებს. დაგეგმილი შეზღუდვები ძალაში მომავალი წლის იანვრიდან შევა.