■ ქუჩის პროსტიტუციის მხრივ, ცნობილი „წერტილები“ დედაქალქში ყველასთვისაა ცნობილი - ალექსანდრე ყაზბეგისა და წერეთლის გამზირები, სანაპირო, ცირკის მიმდებარე ტერიტორია. მრავლადაა პროსტიტუციისთვის ადგილის გადაცემის ფაქტები სხვადასხვა სასტუმროსა თუ უბრალოდ, ავტოსადგომებზე. „ინფო 9“- ის გადამღებმა ჯგუფმა ასეთი ადგილები ლილოში, ელიავაზე, მირცხულავას ქუჩასა და მოსკოვის პროსპექტზე დააფიქსირა.

შინაგან საქმეთა სამინისტროში „ინფო 9“-ს განუცხადეს, რომ დანაშაულის გამოვლენაზე აქტიურად მუშაობენ. ადმინისტრაციული კოდექსის თანახმად, პროსტიტუცია სამართალდარღვევად ითვლება და ჯარიმით ისჯება. პროსტიტუციისთვის ადგილის გადაცემა კი სისხლის სამართლის კოდექსის 254-ე მუხლით დასჯადი ქმედებაა და სასჯელს - 2-დან 4 წლამდე თავისუფლების აღკვეთას ითვალისწინებს.