ადლიაში 1 კმ-მდე სიგრძის სანაპირო ზოლის გამაგრებითი სამუშაოები მიმდინარეობს. პროცესს რეგიონული განვითარებისა და ინფრასტრუქტურის მინისტრი და აჭარის მთავრობის თავმჯდომარე გაეცნენ. მიმდინარე სამუშაოები სანაპიროს შენარჩუნებას და მგზავრთა უსაფრთხოდ ტრანსპორტირებას უზრუნველყოფს. სამუშაოებზე 100-მდე ადამიანია დასაქმებული. აჭარის სანაპირო ზოლის ადლიის მონაკვეთი 2013-2014 წლების სეზონური შტორმების დროს მნიშვნელოვნად დაზარალდა და დაზიანდა ნაპირის გასწვრივ მდებარე ინფრასტრუქტურა. ასევე, საფრთხე შეექმნა საავტომობილო გზას. პროექტის დასრულება წლის ბოლოსთვის იგეგმება.