ქობულეთის შემოვლითი გზის მეორე ლოტზე, რომელიც 19 კილომეტრიანი მონაკვეთის მშენებლობას მოიცავს, სამუშაოები აქტიურად მიმდინარეობს. ინფრასტრუქტურული ობიექტი დღეს, საქართველოს რეგიონული განვითარებისა და ინფრასტრუქტურის მინისტრმა დავით შავლიაშვილმა, აჭარის მთავრობის თავმჯდომარესთან არჩილ ხაბაძესთან და საქართველოს საავტომობილო გზების დეპარტამენტის თავმჯდომარესთან ვაჟა ფანჩულიძესთან ერთად მოინახულა. ამჟამად ასფალტის საფარის დაგება მიმდინარეობს, ასევე შენდება 9 ხიდი, 7 გზაგამტარი, 21 მიწისქვეშა გასასვლელი, 2 გვირაბი და ეწყობა 43 წყალგამტარი მილი. დავით შავლიაშვილი დეტალურად გაეცნო, ერთ-ერთი ყველაზე მასშტაბური და რთული ხიდის მშენებლობის მიმდინარეობის პროცესს, რომლის საერთო სიგრძე 1180 მეტრს შეადგენს. საქართველოში სახიდე კონსტრუქციის მოწყობა ამ ტიპის უახლესი ევროპული ტექნოლოგიის გამოყენებით პირველად ხდება.