■ სამტრედიის სოფელ ჩხენიშში მოკლული 4 წლის გოგონას დედა ყვება, თუ როგორ მოკლა ბავშვი ბებიის ძმის ცოლმა. „ინფო9“-სთან კომენტარი გააკეთეს მკვლელობაში ბრალდებულის ოჯახშიც. ქალბატონის მეუღლე აცხადებს, რომ მომხდარი დანაშაულის შესახებ ინფორმაცია არ ჰქონდა. როგორც „ინფო 9“-მ გაარკვია, თავად ბრალდებულს 11 წლის ვაჟი ზაფხულში დაეღუპა, იგი წყალში დაიხრჩო. დანაშავეს მეორე შვილიც ჰყავს, რომელიც 19 წლისაა.
ბრალდებულმა ქალმა ნათესავებს სთხოვა, გოგონას წაყვანის უფლება მიეცათ. მეორე დღეს, ბავშვი გარდაცვლილი ნახეს. ქალი ამბობდა, რომ ბავშვი ღამით დააძინა და მის გარდაცვალებას ვერაფრით ხსნიდა. შემთხვევა 28 ოქტომბერს მოხდა.
გარდაცვლილი ბავშვის ოჯახის წევრების თქმით, რამდენიმე დღის შემდეგ, ქალბატონმა საკუთარ მეუღლეს გაუმხილა, რომ მას დაღუპული ხშირად ესიზმრებოდა და სინამვილეში გოგონა თავისით კი არ გარდაიცვალა, არამედ თავად გაგუდა. ამის შემდეგ, ცხედრის ექსპერტიზა დაინიშნა, რომლის პასუხი ოჯახს ჯერ არ მიუღია.