უსახლკარო ბოშა სლავიკი ლვოვიდან ყველაზე მოდურად ჩაცმულ ბომჟად აღიარეს. უკრაინულ საიტებზე მის შესახებ ბევრი წერს. ყველაფერი კი იმით დაიწყო, რომ ერთ-ერთმა ფოტოგრაფმა ოლეგ დიაჩიშინმა ის ქუჩაში შენიშნა. ფოტოგრაფმა მასთან საუბრისას გაარკვია, რომ სლავიკი ერთსა და იმავე ტანსაცმელს რამდენიმე დღის განმავლობაში არასოდეს იცვამდა. მეტიც, სამოსს დღეში ორჯერ იცვლიდა, იწესრიგებდა წვერს და თმის ვარცხნილობას. საკუთარი „გარდერობი“ ბომჟს გასაიდუმლოებული ჰქონდა.
ოლეგ დიაჩიშინი თვეების განმავლობაში უღებდა ფოტოებს სლავიკს, თუმცა, ბოლო ფოტო შარშან გადაუღო, მას მერე კი ბომჟს ვეღარ აგნებს. ფოტოგრაფი იმედოვნებს, რომ ბომჟის ცხოვრებაში სასიკეთო ცვლილებები მოხდა და ჩვეულ ადგილას ამიტომაც აღარ ჩნდება.