2014 წლის საქართველოს ეროვნულმა ჩემპიონატმა კრივში გამოავლინა ახალი 10 საქართველოს ჩემპიონი წონითი კატეგორიების მიხედვით ! ინფორმაცია მოისმინეთ და წაიკითხეთ ვიდეოს აღწერილობაში ! შუა დღე TV3 – 28 ნოემბერი, 2014წ. 4 ნაწ.

სერგო დავლიანიძის რუბრიკა - კრივი და ქართველი მოკრივეები.
სპორტკომპლექს “არენა 1″-ში დასრულდა ეროვნული პირველობა კრივში, რომელიც 25 ნოემბერს დაიწყო. ჩემპიონატში ქვეყნის საუკეთესო 80-მდე მოკრივე მონაწილეობდა. ოთხ დღიანი უშეღავათო კონკურენციის შედეგად, ათივე წონით კატეგორიაში, საუკეთესო მებრძოლები გამოვლინდნენ. ყველაზე მსუბუქ წონით კატეგორიაში, ანუ 49 კილოში თბილისელ მიხეილ კაზანჯიანმა გორელი ლაშა კობახიძე დაამარცხა და ოქროს მედალს დაეუფლა. 52-კილოგრამში ჩემპიონის ტიტული არავის დაუთმო ფოთელმა დავით ნანავამ, რომელმაც თბილისელი რუსტამ მუსაევს აჯობა. ფოთელმა მოკრივემ მოიგო 56 კილოგრამ წონით კატეგორიის ფინალიც, გიორგი გოგოტიშვილმა, ქუთაისელ ლევან კლდიაშვილს მოუგო. მოლოდინისამებრ ოქროს მედალი აიღო 60 კილოში, ნაკრების პირველმა ნომერმა ოთარ ერანოსიანმა. ახალქალაქელმა მოკრივემ, თბილისელი ალეკო ჩადაშვილსი დაამარცხა. 64 კილოგრამ წონით კატეგორიის ფინალურ წყვილში ყვარლელ ლაშა ბუტიაშვილსა და ქუთაისელ ამირან მარგველაშვილს შორის, გამარჯვება მარგველაშვილმა იზეიმა. შეიძლება ითქვას რომ მთავარი სენსაცია 69 კილოგრამ წონით კატეგორიაში იყო სადაც პირველობისთვის ბრძოლაში ქუთაისელმა ჯემალ შალამბერიძემ, მეოთხედფინალში ჯერ ნაკრების პირველი ნომერი ზაალ კვაჭატაძე დაამარცხა, ხოლო ფინალში ეროვნული გუნდის მეორე ნომერ ბათუმელ გელა აბაშიძესაც მოუგო და ჩემპიონის ოქროს მედალს დაეუფლა. 75 კილოში ბექა ხარძიანმა არავის დაუთმო პირველობა და ფინალში გიორგი გიორგაძე დაამარცხა. 81 კილოგრამში პირველი ადგილი ქუთაისელმა, რომან თავაძემ მოიპოვა დაამარცხა რა გორელი ნიკა სეხნიაშვილი. მოლოდინისამებრ კვარცხლბეკის უმაღლეს საფეხურზე ავიდა, ნაკრების ლიდერი 91 კილოგრამში, ლევან გულედანი, რომელმაც ფინალში ვარიანელ გიორგი უჯუმელაშვილს სძლია. რაც შეეხება მძიმე წონას(+91) აქ ერთმანეთს ქუთაისელი მიხეილ ბახტიძე და გორელი თორნიკე პურიჭამიაშვი დაუპირისპირდნენ. თანაბარ ბრძოლაში მინიმალური უპირატესობით ბახტიძემ იმარჯვა.