დღეს შიდსთან ბრძოლის საერთაშორისო დღე აღინიშნება. წელს ღონისძიებების სლოგანია "0 აივ-ინფექციის ახალი შემთხვევა, 0 შიდსით გამოწვეული სიკვდილობის შემთხვევა, 0 აივ - ასოცირებული დისკრიმინაცია". საქართველოში 2014 წლის 26 ნოემბრის მონაცემებით, ინფექციური პათოლოგიის, შიდსისა და კლინიკური იმუნოლოგიის ცენტრში რეგისტრირებულია შიდსის ვირუსით ინფიცირების 4 640 შემთხვევა. მათ შორის, 3 409 მამაკაცი, 1232 ქალია. აჭარაში ამ დროისთვის 500 პაციენტია რეგისტრირებული. 1 დეკემბერი შიდსთან ბრძოლის მსოფლიო დღედ 1988 წელს გამოცხდდა. თარიღი მსოფლიოს 160-ზე მეტ ქვეყანაში აღინიშნება. შიდსთან ბრძოლის დღეს ბათუმის #1 საჯარო სკოლაში საზოგადოებრივი ჯანდაცვის ცენტრის ინიციატივით საინფორმაციო ხასიათის შეხვედრა გაიმართა. შეხვედრაზე დაავადების შესახებ პრეზენტაცია თავად სკოლის მოსწავლეებმა წარმოადგინეს. რა არის აივ-ინფექცია, დაავადების გამომწვები გზები, მახასიათებლები, მისი პრევენცია და სტიგმა - მოსწავლეებმა მოკლე მოხსენებები ამ საკითხებზე გააკეთეს. მოგვიანებით სკოლის დერეფანში შიდსით დაღუპული ადამიანების პატივსაცემად მათ სანთლები დაანთეს.