■ რუსეთში მოღვაწე წარმოშობით ქართველი მომღერლის გრიგორი ლეპსის კონცერტზე თბილისის სპორტის სასახლეში სრულია ანშლაგია. სპორტის სასახლესთან საპროტესტო აქცია გაიმართა, სადაც საზოგადოების ნაწილმა საქართველოში გრიგორი ლეპსის კონცერტის ჩატარება გააპროტესტა.
აქციის მონაწილეებმა კონცერტზე მისულ მაყურებელს სირცხვილის კორიდორი მოუწყვეს და სკანდირებდნენ „პუტინის მონებო“.
ლეპსის კონცერტზე მივიდა „გაერთიანებული დემოკრატიული მოძრაობის“ ლიდერი ნინო ბურჯანაძე მეუღლესთან ბადრი ბიწაძესთან ერთად.
ბურჯანაძის თქმით, მას მოსწონს გრიგორი ლეპსის სიმღერები.
ნინო ბურჯანაძის განცხადებით, საზოგადოებამ პოლიტიკა და კულტურა ერთმანეთში არ უნდა აურიოს.
კონცერტის ორგანიზატორებმა აკრედიტებულ ჟურნალისტებს კონცერტის გადაღების საშუალება არ მისცეს, თუმცა, „ინფო 9“-მ რამდენიმე კადრის გადაღება მაინც მოახერხა.

ავტორი: გოგა ბერიძე
ოპერატორი: დავით საჯაია