■ საქართველოს ყოფილმა პრემიერ-მინისტრმა ბიძინა ივანიშვილმა მეუღლესთან ერთად ბათუმიდან თბილისამდე მატარებლით იმგზავრა. ინფორმაციას და ვიდეოს ამის შესახებ "რუსთავი 2" ავრცელებს.

ტელეკომპანიის ცნობით, მატარებელი, რომელიც გუშინ 16:45 საათზე მახინჯაურიდან გამოვიდა, თბილისში 21:40 საათზე ჩამოვიდა. მგზავრების თქმით, მატარებელი არცერთ სადგურზე არ გაჩერებულა.

თბილისში ჩამოსვლის შემდეგ ბიძინა ივანიშვილმა „კურიერთან“ პოლიტიკურ და ეკონომიკურ მდგომარეობაზე საუბრისგან თავი შეიკავა და აღნიშნა: „დღეს შაბათია და გამოსასვლელი დღე მაქვს, თქვენს კითხვას პასუხს არ გავცემ.“

არასამთავრობო ორგანიზაცია "მოქალაქის" დამფუძნებელმა რკინიგზის სადგური სამოქალაქო გასასვლელიდან დატოვა.