■ თბილისში, ირემაშვილის ქუჩაზე მდებარე ერთ პატარა სახლში, ახალი წლის შესახვედრად არავინ ემზადება.

ალბათ, სახლი პირობითად ეწოდება, რეალურად კი, 10 კვადრატულ ფართობში 28 წლის მარტოხელა დედა 2 ბავშვს უმძიმეს პირობებში ზრდის.

ოჯახური ძალადობის მსხვერპლი ახალგაზრდა ქალი, წარსულის მძიმე მოგონებებით, ყოველდიურ სირთულეებთან გამკლავებას ცდილობს. ზამთრის სუსხში მისი ოთახი მხოლოდ ერთი პატარა ქურით თბება, რის გამოც როგორც მას, ასევე, შვილებს ჯანმრთელობის მძიმე პრობლემები აქვთ.

ეს 10 კვადრატულიც ნაქირავებია. მას ბანკის 11 ათას ლარიანი დავალიანება აქვს. სრულ განაკვეთზე მუშაობა არ შეუძლია, რადგან ბავშვების დამტოვებელი არ ჰყავს. ნახევარ განაკვეთიან სამსახურს კი, ვერ პოულობს.

უმძიმეს პირობებში მყოფი ოჯახი ახალი წლის მოსვლას არ ელოდება და არც სურვისების შესრულებისა სჯერათ. თუმცა, დახმარების იმედს არ კარგავენ.

მძიმე სოციალურ-ეკონომიკურ მდგომარეობაში მყოფი ოჯახის დახმარების მსურველებს, შეგიძლიათ „ინფო 9“-ის რედაქციას დაუკავშირდეთ, სატელეფონო ნომრებზე - 2 98 40 95, 2 43 83 43

ასევე, ვაქვეყნებთ ანგარიშის ნომერს: ს.ს. "საქართველოს ბანკი" GE77BG0000000335872400 - მიმღები ნათელა ბენიაშვილი.


ავტორები: ეკა მელიქიძე, ელენე ცინცაძე, ნინო ჭანია, გიორგი ხაჩიძე