■ თბილისის იუსტიციის სახლში ოლიმპიადის - "არასრულწლოვანთა დანაშაულის პრევენციის" გამარჯვებულები გამოვლინდნენ. ოლიმპიადაში საქართველოს იუსტიციის სამინისტროს სფეროში მოქმედი სსიპ "დანაშაულის პრევენციის ცენტრის" ახალგაზრდული პროგრამის "ლიდერთა სახლის" 20 აქტიური მოსწავლე მონაწილეობდა. გამარჯვებულებს "ბაზისბანკმა" ფასიანი საჩუქრები გადასცა.
ოლიმპიადაში მონაწილეობის უფლება ჰქონდათ პროგრამა "ლიდერთა სახლში" ჩართულ ყველაზე აქტიურ მოსწავლეებს, რომლებიც დარეგისტრირდნენ აპლიკაციის მეშვეობით. პროექტში ჩართული ახალგაზრდები ერთი კვირის განმავლობაში დაესწრნენ ხუთ ლექციას. ლექციების ძირითადი თემატიკა იყო დანაშაულის პრევენცია. ტრენინგების გავლის შემდეგ, მოსწავლეებმა ინდივიდუალურად მოამზადეს საკუთარი ნაშრომები და წარადგინეს კომპეტენტური ჟიურის წინაშე. გამარჯვებულები ნაშრომებისა და მათი წარდგენის შედეგად მიღებული ქულების დაჯამებით გამოვლინდნენ.
დაჯილდოების ცერემონიას დაესწრნენ საქართველოს იუსტიციის სამინისტროს დანაშაულის პრევენციის ცენტრის დირექტორი ჯონი კვინიკაძე და "ბაზისბანკის" დირექტორი ლევან გარდაფხაძე.