■ „ნორმან ატლანტიკის“ ერთ-ერთი მგზავრის, თემურ კინძურაშვილის და, მაია კინწურაშვილი ძმის მოძებნაში დამხარებას ითხოვს.

დაკარგულის და აცხადებს, რომ ბორანზე მისი ოჯახის 5 წევრი იმყოფებოდა, რომელთაგან 4 უკვე ევაკუირებულია, მისი ძმის ადგილსამყოფელი კი ამ დრომდე უცნობია.

კინწურაშვილის თქმით, მისი ძმა, რძალი, ძმისშვილი, ძმისშვილიშვილი, სიძე და მეზობელი იტალიაში მოსალოცად წავიდნენ, მათ ასევე მამა ილია კარტოზია გაყვა. ოჯახი ქუთაისიდანაა.

მოგვიანებით, როდესაც მომხდარის შესახებ გახდა ცნობილი, მას ნაცნობმა შეატყობინა, რომ მისი ოჯახის ყველა წევრი ცოცხალია და ქალაქ ბარში იმყოფება, მათი ჯანმრთელობის მდგომარეობა დამაკმაყოფილებელია, დაკარგულია მხოლოდ ძმა.

„ჩემი თხოვნაა, რომ დაგვეხმაროთ ძმის მოძებნაში. ყველგან დავრეკეთ - საელჩოშიც, საგარეო საქმეთა სამინისტროშიც, მაგრამ ინფორმაცია ვერ მივიღეთ“, - ამბობს კინწურაშვილი.

იტალიური ბორანი საბერძნეთიდან იტალიაში მიდიოდა, თუმცა გზაში პრობლემები შეექმნა. პორტის დატოვებიდან რამდენიმე წუთში ბაქანზე, რომელიც მანქანებით იყო დატვირთული, ხანძარი გაჩნდა. გემზე 478 ადამიანი იმყოფებოდა. გარდაცვლილითა რაოდენობა უკვე ხუთამდე გაიზარდა.

ბორანზე საქართველოს რვა მოქალაქე იმყოფებოდა. სამაშველო ოპერაცია ამ დრომდე გრძელდება.