■ სატირულ ჟურნალ Charlie Hebdo-ზე განხროციელებული თავდასხმის გამო, საქართველოში, საფრანგეთის საელჩოში სამძიმრის წიგნი გაიხსნა. მასში პოლიტიკოსები ჩანაწერებს დილიდან ტოვებენ.

სამძიმრის წიგნში ჩანაწერები „ნაციონალური მოძრაობის“ წარმომადგენლებმა დატოვეს და ფრანგ ხალხს თანაგრძნობა გამოუცხადეს. საფრანგეთის საელჩოში ასევე, იმყოფებოდნენ შსს-სა და საგარეო საქმეთა სამინისტროს წარმომადგენლები.

საფრანგეთის მოქალაქეებს თანადგომა დღეს თბილისის საკრებულოს თავმჯდომარე, გიორგი ალიბეგაშვილმა და „მემარცხენე ალიანსის“ წარმომადგენლებმაც გამოუცხადეს. საფრანგეთის საელჩოში გახსნილ სამძიმრის წიგნში ჩანაწერის გაკეთება მსურველებს დღეს, 16:00 საათამდე შეუძლიათ.

პარიზში ჟურნალ Charlie Hebdo-ს რედაქციას ტერორისტები თავს ორი დღის წინ დაესხნენ. შემთხვევის შედეგად გარდაცვლილია 10 ჟურნალისტი და 2 პოლიციელი. შემთხვევის შედეგად ასევე, დაიჭრა 11 ადამიანი.