■ საქართველოს პირველი პრეზიდენტის ზვიად გამსახურდიას შვილი კონსტანტინე გამსახურდია არ ადასტურებს, რომ ინტერნეტში გასაყიდად გამოტანილი ავტომობილი ნამდვილად პრეზიდენტ გამსახურდიასი იყო. მანაქანების ყიდვა-გაყიდვების გვერდზე - myauto.ge 1985 წელს გამოშვებული mersedes benz 32 000 დოლარად იყიდება. საიტზე მითითებული ინფორმაციის თანახმად, ავტომანქანა დაჯავშნილია და პირველ პრეზიდენტს ზვიად გამსახურდიას ეკუთვნოდა.
როგორც კონსტანტინე გამსახურდია ამბობს, ზვიად გამსახურდიას ორი ავტომობილი - მუქი ნაცრისეფრი sl კლასის მე -7 კატეგორიის ჯავშანმანქანა და მწვანე, ასევე sl კლასის მეხუთე კატეგორიის ჯავშანმანქანა ჰყავდა. მანქანები გერმნაიში 42 ათას მარკად შეიძინეს. მოგვიანებით, ორივე ავტომობილი საგანგებო სამსახურის დოტაციაზე აიყვანეს. ინტერნეტში გავრცელებულ ფოტოზე კი მანქნა ლურჯი ფერისაა და დაჯავშნილი მანქანის სტანდარტებსაც არ შეესაბამება.