■ სრულიად საქართველოს კათოლიკოს პატრიარქმა, უწმინდესმა და უნეტარესმა ილია მეორემ დღეს, სამების საკათედრო ტაძარში საზეიმო წირვა აღავლინა.
ნათლისღების დღესასწაულთან დაკავშირებით, სამების ტაძრის ეზოში შესრულდა წყლის კურთხევის საიდუმლოც. დიდი აიაზმა - წყლის კურთხევა უწმინდესმა და უნეტარესმა ილია მეორემ შეასრულა.
წყლის კურთხევის შემდეგ უწმინდესმა ნაკურთხი წყალი ტაძრის ეზოში შეკრებილ მრევლს ასხურა. ამის შემდეგ მღვდელმსახურებმა ზეცაში სიმბოლურად თეთრი მტრედებიც გაუშვეს.
საზეიმო ლიტურგიის დასრულების შემდეგ უწმინდესმა მრევლს ქადაგებით მიმართა და ნათლისღების დღესასწაული მიულოცა.
უწმინდესმა მოქალაქეებს მშვიდობა, გამძლეობა და სიყვარული უსურვა. ამასთან, პატრიარქმა მრევლს მოუწოდა მთელი წლის განმავლობაში ოჯახებში ნაკურთხი წყალი იქონიონ და სახლებს, საკუთარ კარ-მიდამოსა და შვილებს აპკურონ.