ირლანდიის მთავრობის წევრი ორიენტაციას საჯაროს ხდის

დაბლინი. ირლანდია. 20 იანვარი 2015 წელი.
ირლანდიის ისტორიაში პირველად მთავრობის წევრი იატაკქვეშეთიდან გამოვიდა. „მე გეი ვარ, ეს არაა საიდუმლო, თუმცა ვფიქრობ, ეს ყველამ არ იცის“ განაცხადა ირლანდიის ჯანდაცვის მინისტრმა ლეო ვარადკარმა კვირას, 2015 წლის 19 იანვარს რადიოკომპანია RTE-სთან. მკაცრად ქრისტიან–კათოლიკურ ქვეყანაში – ირლანდიაში 1993 წლამდე ჰომოსექსუალობა დასჯადი იყო. 1980იან წლებამდე ირლანდიაში ეკლესია წარმოადგენდა პოლიტიკურად გადამწყვეტ მოთამაშეს, მანამ სანამ ეკლესიის მაღალჩინოსნების პედოფილური სკანდალების სერია არ გამომჟღავნდა. ამის შემდეგ ირლანდიის საზოგადოება ლიბერალური მიმართულებით განვითარდა.
ირლანიას წელს აქვს დაგეგმილი ჰომოსექსუალი ადამიანების უფლებების კუთხით სიტუაციის გაუმჯობესება, კერძოდ: ერთსქესიანი პარტნიორობების ლეგალიზება, გეებისთვის სისხლის გაცემის ნებართვა და ერთსქესიანი წყვილებისთვის სუროგატი დედის უფლებით სარგებლობა საკუთარი შვილის ყოლის მიზნით.
"მე მინდა ჩემ საკუთარ ქვეყანაში, რომლის მთავრობის წევრიც ვარ, ვიყო თანაბარუფლებიანი მოქალაქე" – ამბობს ჯანდაცვის მინისტრი და დასძენს, რომ ამ მომენტისთვის მას არ აქვს თანაბარი უფლებები.
ლეო ვარადკარი, რომელმაც კვირას დაბადების 36 წლისთავი აღნიშნა, ირლანდიაში მოიაზრება როგორც წარმატებული პოლიტიკოსი და შესაძლო კანდიდატი პრემიერ მინისტრის, ანუ მთავრობის მეთაურის პოსტზე.

წყარო: http://www.spiegel.de/politik/ausland/irland-schwuler-minister-leo-varadkar-outet-sich-a-1013620.html