■ იური ვაზაგაშვილის გარდაცვალებასთან დაკავშირებით, რუსთაველის გამზირზე სპონტანურად დაგეგმილი აქცია გაიმართა, რომელზეც უფლებადამცველები, პოლიტპატიმრის სტატუსით გათავისუფლებული პირები და არასამთავრობო ორგანიზაციის წარმომადგენლები შეიკრიბნენ.
აქციის მონაწილეებმა იური ვაზაგაშვილის მკვლელობას ტერორისტული აქტი უწოდეს და დამნაშავეების დასჯა მოითხოვეს. აქციაზე აღინიშნა, რომ იური ვაზაგაშილის მკვლელობა არის „ნაციონალური მოძრაობის“ მესიჯი, რომ ვინც მათ წინააღმდეგ წავა, განადგურდება.
იური ვაზაგაშვილი დღეს საკუთარი შვილის, ზურაბ ვაზაგაშვილის საფლავზე, აფეთქების შედეგად გარდაიცვალა. მთავარმა პროკურატურამ იური ვაზაგაშვილის გარდაცვალების ფაქტზე, გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებებში განზრახ მკვლელობას გულისხმობს.