ღია წერილი ბატონ ბიძინა ივანიშვილს

ბატონო ბიძინა,
ვიდრე ჩემი ლიკვიდაციაც არ მომხდარა, მინდა მოვასწრო და 2 კითხვა დაგისვათ:
1.რატომ არ უყენებენ ბრალს დამნაშავეებს იმ სისხლის სამართლის საქმეზე, რომელთანაც კავშირი აქვს თქვენს ყოფილ თანაშემწეს და ოჯახის ინგლისურის მასწავლებელს მაკა ლაბაურს,რომელიც თქვენთან მუშაობის შემდეგ იყო იმ სუროგაციის სააგენტოს დირექტორი, რომლის თანამშრომლებზეც 2013წ.7 მაისს პროკურატურამ გამოიტანა დადგენილება,რომ გააყალბეს ჩვილ ბავშთა დაბადების მოწმობები (სსკ 362-ე მუხლი),მაგრამ გათავისუფლდნენ სასჯელისგან, რაკი მუხლი იყო ამნისტირებული. ვინაიდან დანაშაული არ დამთავრებულა საბუთების გაყალბებით და ამ საბუთებით ჩვილები საზღვარზე გააყვანინეს უცხოელ მამაკაცებს, გეი პირებს, კვლავ აღიძრა საქმე 13.02.2014წ. უკვე სსკ 344-1 მუხლით,რომელიც 15 წლამდე სასჯელს ითვალისწინებს. არსებობს ყველა მტკიცებულება,მაგრამ დამნაშავეებს ბრალს არ უყენებენ. 7 თვეა ტელეარხებით გადის სოციალური რგოლი „ჩვილების საქმე“,თავისუფლების მოედანზე დგას ავტომანქანა საპროტესტო ბანერით,მაგრამ ხელისუფლება კომენტარსაც არ აკეთებს.
2.მიიღეთ თუ არა ჩემი დაზღვეული წერილი,სადაც გწერდით,რომ პროკურატურა და პრემიერი არ ინტერესდებიან ჩემს ხელთ არსებული აუდიოჩანაწერით, რომლითაც დასტურდება,რომ გამომძიებელი, რომელიც ჩანაწერში მესაუბრება, გამომიტყდა,რომ 2013 წელს, თქვენი პრემიერობის პერიოდში, სახელმწიფო დაცვის და თქვენი დაცვის უფროსმა ანზორ ჩუბინიძემ შეაჩერებინა საქმის გამოძიება. აღნიშნულ აუდიოჩანაწერზე 2014წ.17 მარტს, ი.ღარიბაშვილისადმი მიწერილი ჩემი წერილი რატომღაც უვარდება ხელში თავად ჩუბინიძეს და ის მირეკავს 19 მარტს ე.წ. საქმის გარჩევის მიზნით. ამ ზარზე მე ვაცნობე ჟურნალისტებს, თუმცა ჩუბინიძემ უარყო დარეკვა და ტყუილის გამოგონება დამაბრალა. სიმართლის დასამტკიცებლად მე მივმართე სასამართლოს,წარვადგინე მაგთის დეტალური ამონაწერი, სასამართლომ მიიღო სარჩელი და პროცესი ჩანიშნულია ა.წ.4 მარტს 11.00 სთ-ზე თუ მანამდე ცოცხალს დამტოვებენ დამნაშავეები ან ხელისუფლება,რომელმაც ორჯერ მითხრა უარი მოწმის დაცვის პროგრამაში ჩართვაზე.
ვიმედოვნებ,რომ დუმილი ამ თემაზე დაირღვევა.
პატივისცემით,
თამარ ხაჭაპურიძე
ასოციაცია მომავლის იმედი
27.01.15