პროფესიული განათლების სფეროში 2010 წელს ჩატარებული კვლევის საფუძველზე ერთ-ერთ ყველაზე მნიშნელოვან გამოწვევად პროფესიული სასწავლებლების ფიზიკური გარემოს ხელმისაწვდომობა გამოიკვეთა. საქართველოს განათლებისა და მეცნიერების სამინისტრომ მიზნად დაისახა პროფესიული სასწავლებლების ფიზიკური გარემოს ხელმისაწვდომობის გაზრდა.
ნორვეგიის მთავრობასთან ერთობლივი პროექტის ,, ინკლუზიური განათლების დანერგვა საქართველოს პროფესიული განათლებისა და გადამზადების სისტემაში’’ ფარგლებში განხორციელდა 5 პროფესიული საგანმანთლებლო დაწესებულების ფიზიკური გარემოს შესწავლა ხელმისაწვდომობის ანალიზის მიზნით (ელექტრონული პროგრამა ,,Byggforalle”), მიღებული შედეგების გათვალისწინებით საქართველოს განათლებისა და მეცნიერების სამინიტროს სსსიპ საგანმანთლებლო და სამეცნიერო ინფრასტრუქტის განვითარების სააგენტოს მიერ შეიქნა 5 პროფესიული სასწავლების ფიზიკური გარემოს ადაპტირების პროექტი უნივერსალური დიზაინის პრინციპების გათვალისწინებით, რაც გულისხმობს შენობის ხელმისაწვდომობას არა მხოლოდ ეტლით მოსარგებლე არამედ უსინათლო, ყრუ და სხვა გამოწვევების მქონე პირებისათვის. ეს არის ინოვაციური მიდგომა განათლების სისტემაში გარემოს მოწყობის თვალსაზრისით. 5 პროფესიული სასწავლებლის ფიზიკური გარემოს ადაპტირება შექმნილი პროექტების შესაბამისად 2015 წლიდან განხორციელდება .