ლანა ცინდელიანი, თინათინ ბენდელიანი და ანასტასია დევდარიანი
ლექსი: თორნიკე ნაროზაულის - "წამო.."
მელოდია: ლანა ცინდელიანის და თინათინ ბენდელიანის
* * * * * * * * * * * * * *
წამოწვიმა წეღან ნარიყალას ახლოს,
წამო, ავირბინოთ ზედაზენის მთებზე,
ვარსკვლავები ვთვალოთ,
მთვარეს ხელი ვახლოთ.
წამო, წამომყევი წვიმას ვეთამაშოთ,
წამო..
წამო, წამომყევი წვიმას ვეთამაშოთ,
წვეთ-წვეთ დავითვალოთ კოცნები და მერე
მკერდზე მიგიხუტებ თეთრი ყვავილივით
ფრთხილად,
შავი თვალებიდან ცრემლებს ამოგიშრობ კოცნით.
წამო, წვიმის წვეთი ავიყვანოთ შვილად,
სახლი ავაშენოთ ცაზე, ამ ცის იქით.
მერე რა იქნება, ღმერთმა უწყოდეს და
სანამ მიყვარხარ და წვიმაა და ღამე,
ციდან, ცის იქიდან ჩამობრძანდი ჩემთან,
თორემ უშენობით იცი? დავიღალე..
წამო, წამომყევი წვიმას ვეთამაშოთ,
წვეთ-წვეთ დავითვალოთ კოცნები და მერე
წამო, წვიმის წვეთი შვილად ავიყვანოთ,
სახლი ავაშენოთ ცაზე, ამ ცის იქით.