შუახევის და ხულოს მუნიციპალიტეტების გზებზე არსებული რისკების შემცირების მიზნით, ხულოს საჯარო სკოლაში საგზაო უსაფრთხოების ტრენინგი მიმდინარეობს. სემინარი ხულოს საჯარო სკოლის მოსწავლეებს უტარდებათ. პროექტის ფარგლებში გათვალისწინებულია ტრენინგის ჩატარება საგზაო უსაფრთხოების ძირითად რისკ ფაქტორებზე, როგორიცაა: უსაფრთხოების ღვედების გამოუყენებლობა, მაღალი სიჩქარით ავტომობილის მართვა, მობილური ტელეფონის გამოყენება მანქანის მართვის დროს, ფეხით მოსიარულეთა ინფორმირება, ბავშვთა უსაფრთხოება. პროექტის ფარგლებში განსაკუთრებული ყურადღება დაეთმო მოზარდთა განათლებას, რომლის ფარგლებშიც ,მოზარდებს საინფორმაციო ბუკლეტები და ღამის საათებში ქვეითად გადაადგილებისათვის სპეციალური „რეფლექტორები“ დაურიგდათ. ტრენინგს ნორვეგიული კომპანია „აჭარისწყალ ჯორჯია“ სოციალური პროექტის ფარგლებში ატარებს.