■ ასტროლოგ მიხეილ ცაგარელის განცხადებით, კონტაქტი ჰქონდა უცხოპლანეტელთან, რომელიც ძველი ებრაული ტომის ერთ-ერთი შთამომავალი იყო, რომლის გვერდითაც არიან ისეთებიც, ვინც საქართველოს ტერიტორიაზე ცხოვრობდნენ.
მიხეილ ცაგარელმა გადაცემა „სხვა რაკურსში“ საუბრისას აღნიშნა, რომ მას თავად ჰქონდა უცხოპლანეტელთან შეხვედრა, რომლისგანაც უამრავი ინფორმაცია მიიღო მათი დედამიწაზე წარმოშობისა და სხვა პლანეტებზე გადასახლების შესახებ.
ცაგარელის თქმით, იმ ეტაპებს, რასაც დღეს კაცობრიობა გადის, უცხოპლანეტელებმა უკვე გაიარეს. მათ თავის დროზე გამოიგონეს ველოსიპედი, კომპიუტერული სისტემები და ის ტექნოლოგიები, რაზეც დღეს მეცნიერები მუშაობენ, თუმცა უცხოპლანეტელებმა თავიანთი რესურსები ამოწურეს დედამიწაზე და სხვაგან გადასახლდნენ.
მიხეილ ცაგარელმა უცხოპლანეტელების არსებობის შესახებაც ისაუბრა და აღნიშნა, რომ მოღერალ მაია ჯაბუას სიმღერის გადაღების დროს ოპერატორმა ამოუცნობი მფრინავი ობიექტის გადაღება შეძლო.
გადაცემის წამყვანმა გია ჯაჯანიძემ მიხეილ ცაგარელს უცხოპლანეტელებთან შევხედრის ორგანიზება და რეკომენდაციის გაწევა სთხოვა.