„ბედის მაძიებელი“ რუსები სამხედრო მანქანებით ფოთში.
რუსულნომრიანი სამხედრო მანქანის მეპატრონეები ფოთში სამი რუსი მამაკაცია,როგორც თვითონ აცხადებენ, პეტერბურგიდან. ისინი 6 თვეა, ნაქირავები ბინის ფანჯრიდან უთვალთვალებენ პორტის ეზოს. საქართველოს ტერიტორიაზე ქართულნომრიანი მიკროავტობუსით გადაადგილდებიან. საცხოვრებელი ბინის ეზოში წოდებით უფროსის გაზ-31 დგას, აგრეთვე რუსული ნომრებით. მეზობლებთან საუბარში აცხადებენ ,რომ გემის მშენებლები არიან და საქართველოში ბედის საძიებლად ჩამოვიდნენ უკრაინიდან.
უკრაინაში კი, ყველამ კარგად იცის , რომ,,გემის მშენებლების" გამოჩენას ჯერ ბაიკერების კოლონა მოჰყვა, რუსულნომრიანი მოტოციკლებით, შემდეგ კი მწვანე კაცუნებიც გამოჩნდნენ, რუსულნომრიანი სამხედრო მანქანებით. ბოლოს რუსული წარმოების ტანკებმაც არ დააყოვნეს, საიდენტიფიკაციო ნიშნების გარეშე.
თავდაცვის მინისტრი ჯანელიძე რუსული კვალის მაძიებელ თანამემამულეებს დასცინის შეშფოთების გამო, შეშფოთებული ქართველები კი სწუხან, რომ ქვეყნის მოქმედი მთავრობა, ყველასთვის მოულოდნელად, როსტოვის სამხედრო ოლქის ტერიტორიაზე არ აღმოჩნდეს, მოღალატე იანუკოვიჩის მსგავსად.