საქართველოს რეგიონული განვითარებისა და ინფრასტრუქტურის მინისტრის მოადგილე თენგიზ შერგელაშვილი საქართველოში საერთაშორისო რესპუბლიკური ინსტიტუტის (IRI) წარმომადგენლებს შეხვდა.
შეხვედრაზე საუბარი ქვეყანაში მიმდინარე თვითმმართველობის რეფორმის განხორციელების ეტაპებსა და იმ პროექტების განხორციელებას შეეხო, რომლებიც ადგილობრივ თვითმმართველობაში ქალთა აქტიურ ჩართულობასა და საზოგადოებასთან კომუნიკაციის გაუმჯობესებას ითვალისწინებს. ყურადღება გამახვილდა პროექტზე, რომლის მიზანია საკრებულოს ქალების გაერთიანება, თავიანთ მუნიციპალიტეტში არსებული პრობლემების მოსაგვარებლად. მათ მარტის თვის განმავლობაში პროექტის მომზადების საკითხებზე ტრენინგები ჩაუტარდებათ. პირველ ეტაპზე- სულ 8 მუნიციალიტეტი-ჩოხატაური, ხარაგაული, აბაშა, ხელვაჩაური, ყვარელი, თეთრიწყარო, ახალციხე - (თემი) და დუშეთი შეირჩა.
მინისტრის მოადგილე და IRI-ს წარმომადგენლები სამომავლოდ უფრო მჭიდრო თანამშრომლობაზე შეთანხმდნენ.