■ გავრცელებული ინფორმაცია, იმის შესახებ, რომ რესპუბლიკურ საავადმყოფოში უსახსრობის გამო, მძიმე მდგომარეობაში მყოფ ნიკუშა ნატროშვილს გადასხმები მოუხსნეს, სიმართლეს არ შეესაბამება. როგორც პაციენტის დედამ „ინფო 9“-ს განუცხადა, გადაწყვეტილება ოჯახმა და საავადმყოფომ ერთად მიიღეს და იმისთვის რომ კლინიკის მიმართ დავალიანება არ გაიზარდოს, საჭირო მედიკამენტები ოჯახს საავადმყოფოში თვითონ შეაქვს.
მისი თქმით, ნიკუშა ნატროშვილი ამ დრომდე რესპუბლიკურ საავადმყოფოში ექიმების ზედამხედველობის ქვეშ რჩება და ყველა საჭირო დახმარება უტარდება.
12 მარტს ნიკუშა ნატროშვილის დასახმარებლად საქველმოქმედო კონცერტი გაიმართება. კონცერტზე დასწრება 10 ლარი ეღირება და მასში მონაწილეობას ქართველი მომღერლები მიიღებენ. კონცერტზე თანხა ოპერაციისთვის უნდა შეგროვდეს, რომელიც ნიკუშას ამერიკაში გაუკეთდება და რომელიც 250 000 აშშ დოლარი ჯდება.
ნიკუშას მეგობრებმა სპეციალური ვიდეორგოლი გადაიღეს, სადაც მოქალაქეებს კონცერტზე მისვლისკენ მოუწოდებენ.
24 წლის ნიკა ნატროშვილი, რომელიც მეგობარმა მოსაკლავად გაიმეტა, უმძიმეს მდგომარეობაშია.
ნიკუშა ნატროშვილის დახმარების მსურველებისათვის ვაქვეყნებთ საბანკო რეკვიზიტებს:
GE65PC0483600400001007 GEL ProCredit Bank მიმღები რუსუდან ბოჭორიშვილი
GE65PC0483600400001007 USD ProCredit Bank მიმღები რუსუდან ბოჭორიშვილი
Swift MIBGGE22
მაგთისა და ბილაინის აბონენტებს შეუძლიათ დარეკონ ნომერზე 0901700165.
ავტორები: ელენე ცინცაძე, ნინო ჭანია, გიორგი რომანაძე