საქართველოს რეგიონული განვითარებისა და ინფრასტრუქტურის სამინისტროს დელეგაციამ, კიევში, ევროპის საბჭოსა და უკრაინის რეგიონული განვითარების, მშენებლობისა და კომუნალური მეურნეობის სამინისტროს მიერ ორგანიზებულ საერთაშორისო კონფერენციაში მიიღო მონაწილეობა.
ღონისძიებას უკრაინაში ევროპის საბჭოს ხელმძღვანელი პირები, უკრაინის მთავრობის, ასევე დიპლომატიური კორპუსისა და საერთაშორისო ორგანიზაციების წარმომადგენლები ესწრებოდნენ.
კონფერენციაზე სიტყვით საქართველოს რეგიონული განვითარებისა და ინფრასტრუქტურის მინისტრის მოადგილე თენგიზ შერგელაშვილი გამოვიდა. მან საქართველოში მიმდინარე ადგილობრივი თვითმმართველობის რეფორმის მიმდინარეობაზე ისაუბრა და მაღალი შეფასება მისცა უკრაინაში მიმდინარე ანალოგიურ რეფორმას.
უკრაინის ვიცეპრემიერმა გენადი ზუბკომ, მადლობა გადაუხადა საქართველოდან ჩამოსულ კოლეგებს კონფერენციაში მონაწილეობისა და სამინისტროებს შორის ნაყოფიერი და მეგობრული თანამშრომლობის დამყარებაში შეტანილი წვლილისათვის.