■ ლამბერსექსუალები ჩვენს გარშემო სულ უფრო მეტნი არიან. თუმცა, ვინ არიან ლამბერსექსუალები, ბევრმა ჯერ არ იცის.

მაგალითად, როგორც „ინფო 9“-ს ქვეყნის ყველაზე ცნობილმა ლამბერსექსუალმა ვიცე-პრემიერმა და ენერგეტიკის მინისტრმა კახა კალაძემ უთხრა, მისთვის ეს ტერმინი უცნობია.

ცნობილია, რომ მთელ მსოფლიოში ახალი ტენდენცია მძლავრობს - მეტროსექსუალებს, რომლებიც თავის მოვლის ხერხებით ქალებს არ ჩამოუვადრებიან, დღეს უკვე სჭარბობენ ლამბერსექსუალები. ისინი გამოირჩევნიან დიდი, მოვლილი წვერითა და უბრალო ჩაცმულობით.

„ლამბრესექსუალი“ - ეს სიტყვა წარმოიშვა ინგლისური სიტყვა lumberjack-იდან, რაც ხის მჭრელს ნიშნავს. სწორედ ასე გამოიყურებიან თანამედროვე ამერიკელი და კანადელი ხის მჭრელები - დიდი წვერით და კუბოკრული პერანგებით.

ასევე, ლამბერსექსუალების სტილზე გავლენა მოახდინეს ჰიპსტერებმაც.

ერთი შეხედვით, ეს ადამიანები საგულდაგულოდ არ ზრუნავენ იმაზე, თუ როგორ გამოიყურებიან, თუმცა - ეს მხოლოდ ზედაპირულად, სინამდვილეში, ლამბერსექსუალებიც ბევრს ფიქრობენ და მოქმედებენ ამ მიმართულებით.

ლამბერსექსუალების ყველაზე ცნობილი წარმომადგენლები არიან მსახიობები რაიან გოსლინგი, ჰიუ ჯეკმანი, ასევე ფეხბურთელი ერიკ კანტონა და ა. შ.

მსოფლიო ტენდენციას არ ჩამორჩა საქართველოც. „ინფო 9“ საქართველოს ყველაზე ცნობილი და გამორჩეული ლამბერსექსუალების შესახებ გიამბობთ.


ავტორები: ეკა მელიქიძე, ნინო ჭანია, ელენე ცინცაძე, გიორგი რომანაძე