■ ვიდეოპორტალ Youtube-ზე კიდევ ერთი სკანდალური ვიდეომასალა გავრცელდა. საძიებელ ინერნეტ-რესურს იანდექსზე რუსეთისა და ყირგიზეთის პრეზიდენტების დღევანდელი შეხვედრის ძებნისას რუსი ჟურნალისტები სახელმწიფო არხ "ვესტის" საიტზე გავიდნენ, სადაც დღევანდელი შეხვედრის სტენოგრამა 13 მარტითაა დათარიღებული. კრემლის პრეს-სამსახურმა პუტინისა და ატამბაევის შეხვედრის დეტალები დღეს გაავრცელა და ყირგიზეთის ლიდერის კომენტარიც გამოაქვეყნა. გავრცელებული ინფორმაციით, ატამბაევმა რუსეთის პრეზიდენტის ავადმყოფობის შესახებ ინფორმაცია არ დაადასტურა და განაცხადა, რომ პუტინმა ის მანქანითაც გაასეირნა. კრემლის ლიდერმა კი დასძინა, რომ "ჭორების გარეშე ცხოვრება მოსაწყენია." გავრცელებული ინფორმაციით, შეხვედრას მხოლოდ ის ჟურნალისტები ესწრებოდნენ, რომლებმაც აკრედიტაცია წინასწარ გაიარეს. პუტინის კომენტარის ვიდეომასალა ჯერჯერობით არ გავრცელებულა, რაც ეჭვის საფუძველს კიდევ უფრო ამძაფრებს. რუსეთისა და ყირგიზეთის ლიდერები 2 თვის წინაც შეხვდნენ. ამიტომ, ჟურნალისტთა ნაწილი ვარაუდობდ, რომ კრემლმა ძველი ვიდეოკადრები გაავრცელა.