„იმედის“ ეთერში გადაცემა „რეაქციაში“ გადაცემის წამყვანმა ინგა გრიგოლიამ, „ნაციონალური მოძრაობის“ წევრს, მიხეილ მაჭავარიანს კითხვით მიმართა, ხომ არ ეცნო "ცარიელი სკამების სიტუაცია".


მაჭავარიანმა გრიგოლიას კითხვაზე განაცხადა, რომ ძალიან ბევრი რამ ეცნო და, ფაქტობრივად, "დეჟა ვუ" აქვს.

„მე იმდენი რამ მეცნო, „დეჟა ვუ“ მაქვს ფაქტობრივად. ძალიან ბევრი რამის გახსენება შემიძლია. მათ შორის, ცნობილი სახეები, ინტელიგენცია, ვინ სად იდგა, როგორ იდგა, 1995 წელს ვინ ვის უჭერდა მხარს, 2003 წელს სად იდგნენ, ბევრი რამ მახსოვს და ამაზე პირობას გაძლევთ, რომ წიგნს დავწერ აუცილებლად“,- განაცხადა მიხეილ მაჭავარიანმა.

გადაცემის წამყვანს ინგა გრიგოლიას ხელისუფლებამ მოსთხოვა„ნაციონალური მოძრაობის“ მიერ დაგეგმილი აქციის თემა თოქ-შოუს ფორმატში არ გაეშუქებინა.

როგორც გრიგოლიამ განაცხადა, დღევანდელი გადაცემის სტუმრები საზოგადოებისა და „ნაციონალური მოძრაობის“ წარმომადგენლებთან ერთად, საპარლამენტო უმრავლესობის წევრებიც უნდა ყოფილიყვნენ, თუმცა, გადაცემაში სტუმრად მმართველი კოალიციის წარმომადგენლები არ მივიდნენ.