ნეპოტიზმის ფაქტების შესახებ შეტყობინება მოქალაქეებს სპეციალურ სატელეფონო ნომრებზე შეეძლებათ

საქართველოს ყოფილი პრემიერის, ბიძინა ივანიშვილის განცხადებით, მისი საზოგადოება „20/30“ ნეპოტიზმის კონკრეტული ფაქტების გამოვლენაზე იმუშავებს. ამის შესახებ ივანიშვილმა „ჯი დი ეს“-ის ეთერში, გადაცემა „კვირის 20/30“-ში განაცხადა.
მისი თქმით, გამოცხადდება ტელეფონის ნომრები, რომელზეც ზარების მიღება მოხდება. ასევე, მედიის მიერ ნეპოტიზმის შესახებ გავრცელებული კონკრეტული ფაქტების შესახებ „20/30“-ის წევრები რეაგირებას მოახდენენ, ადგილზე მივლენ და გადაიღებენ.
გადაცემაში ივანიშვილმა ნეპოტიზმის შესახებ საუბრისას ზვიად ჯანყარაშვილის მაგალითზე იმსჯელა.
„კიდევ იქნება? კიდევ გავაკეთებთ რეაქციას“ - განაცხადა ივანიშვილმა.
#გადაცემა2030