სასულიერო პირებმა, მამა ალექსანდრემ და მამა ლევანმა ტელეკომპანია „იმედის“ გადაცემა „სხვა რაკურსში“ მოწვეულ სტუმრებს მიტევებისკენ მოუწოდეს.

სტუდიაში ყოფილი „მხედრიონელები“, გვარდიელები, ე.წ. „ზვიადისტები“ და სამეგრელოს რეგიონის მოსახლეობის ის წარმომადგენლები იყვნენ მიწვეულნი, რომელთა ოჯახის წევრები აწამეს, დახვრიტეს და გაძარცვეს.

სტუდიის სტუმრებმა აფხაზეთის ომის დროს მომხდარი ტრაგედია, ადამიანის უფლებების დარღვევის, დახვრეტისა და ძარცვის ფაქტები გაიხსენეს.

სასულიერო პირებმა დაპირსპირებულ მხარეებს ურთიერთმიტევებისკენ მოუწოდეს.
როგორც გადაცემაში სასულიერო პირებმა აღნიშნეს, ყველამ უნდა დაივიწყოს „მიწიერი სამართალი და აიჩიოს ზეციური სამართალი“.

სასულიერო პირებმა სტუდიის სტუმრებს პატრიარქის ინიციატივა გააცნეს - ყველა მივიდეს სვეტიცხოველში და ერთმანეთს შეუნდონ.