ბათუმში მდებარე ცნობილი სკულპტურა ადგილს შეიცვლის. ალი და ნინოს ქანდაკებისთვის ზღვისპირა ქალაქში ახალ ტერიტორიას ჯერ ისევ არჩევენ. ძეგლისთვის ადგილმდებარეობის შეცვლა სპეციალისტების საგანგაშო დასკვნის მომზადების შემდეგ გადაწყდა.

დოკუმენტის მიხედვით, სტიქიის დროს ქანდაკებას დანგრევის საფრთხე ემუქრება. მოსალოდნელი საშიშროების შესახებ ინფორმირებულია 5 წლის დადგმული სკულპტურის ცნობილი ავტორიც, რომელიც საკუთარი ნამუშევრისთვის ადგილმდებარეობის შერჩევის პროცესში თავადაც ჩართულია.