უკრაინაში, ლვოვის ოლქში ამერიკელი ინსტრუქტორებისა და უკრაინის ეროვნული გვარდიის წვრთნები გაიხსნა. უკრაინელი მებრძოლების გასაწვრთნელად შეერთებულმა შტატებმა უკრაინაში 300 სამხედრო მიავლინა. უკრაინის შეიარაღებულმა ძალებმა და სეპარატისტებმა დასახლებულ პუნქტ შიროკინოში, მარიუპოლის მახლობლად, რომელიც ბოლო დღეებში ყველაზე ცხელ წერტილად იქცა, ცეცხლის შეწყვეტაზე შეთანხმდნენ. ამის შესახებ ეუთოს გენერალურმა მდივანმა ლამბერტო ზანიერმა განაცხადა. გაერომ უკრაინაში კონფლიქტის შესახებ ახალი მონაცემები გამოაქვეყნა. წლის დასაწყისიდან ქვეყანის აღმოსავლეთში, დასახლებულ პუნქტების დაბომბვისა და ნაღმებზე აფეთქების შედეგად 400-მდე სამოქალაქო პირი დაიღუპა. გერმანიის საგარეო საქმეთა მინისტრმა მოსკოვი გააფრთხილა, რომ დონეცკისა და ლუგანსკის ეგრეთ წოდებული სახალხო რესპუბლიკის აღიარება სამშვიდობო პროცესს ძალზე გაართულებს.