ოსმალეთი იმპერიაში სომეხი მოსახლეობის მასობრივ მკვლელობის მე-100 წლისთავი თურქეთში აღნიშნეს. სამგლოვიარო წირვას სტამბოლში სომხურ ტაძარში პირველად თურქეთის მთავრობის წარმომადგენელი, ევროპულ საქმეთა მინისტრი დაესწრო. სტამბოლში კი საპროტესტო აქცია გაიმართა, რომლის მონაწილეებმა თურქეთის ხელისუფლებას 1915 წლის ტრაგედიის გენოციდად აღიარება მოითხოვეს. ოსმალეთის იმპერიაში სომხების მასობრივი მკვლელობების მსხვერპლთა ხსოვნის ცერემონია დღეს ერევანში, მემორიალურ კომპლექს ციცერნაკაბერდში ჩატარდა. მას საფრანგეთის, რუსეთის, კვიპროსის და სერბეთის პრეზიდენტები, ასევე მრავალი ქვეყნის დელეგატები ესწრებოდნენ. თურქეთს ხელისუფლება ერთი საუკუნის წინ სომეხთა მასობრივ მკვლელობებს აღიარებს, თუმცა ტერმინ გენოციდის წინააღმდეგია, რადგან მიიჩნევს, რომ ამ მოვლენების დროს მრავალი თურქიც დაიღუპა.