„ბავშვთა და ახალგაზრდობის ეროვნული ცენტრის“ ორგანიზებით, წეროვანში პროექტის „იცხოვრე სპორტით“ ფარგლებში გაიმართა მედიატურნირი ქუჩის ფეხბურთში. წეროვანში მცხოვრები მოზარდები თავადაც ჩაერთვნენ შეჯიბრში და ამხანაგური მატჩი ბავშვთა და ახალგაზრდობის ეროვნული ცენტრის გუნდთან ითამაშეს.
შეჯიბრში ათი მედიაგუნდი - საინფორმაციო პორტალი „ინფო 9“; სამაუწყებლო კომპანია „რუსთავი2“; ტელეკომპანია „იმედი“; საზოგადოებრივი მაუწყებელი; ტელეკომპანია GDS; Silk TV; ტელეკომპანია TV-S; რადიო Jako; აფხაზეთის ხმა და TV-11 მონაწილეობდნენ.
ფინალში ერთმანეთს „რუსთავი 2“-ისა და „აფხაზეთის ხმის“ გუნდები დაუპირისპირდნენ.
ტურნირის გამარჯვებულს - აფხაზეთის ხმის გუნდს „ბავშვთა და ახალგაზრდობის ეროვნული ცენტრის“ მიერ დაწესებული გარდამავალი თასი CHILDREN & YOUTH CUP და გენერალური -სპორნსორისგან დაწესებული ფულადი ჯილდო 1-ლი ადგილისთვის 1000 ლარი გადაეცა, ხოლო მე-2 ადგილზე გასულ „რუსთავი 2“-ის გუნდს - 500 ლარი. ასევე დასახელდა ტურნირის საუკეთესო ფეხბურთელი - ე. კაჭარავა აფხაზეთის ხმის გუნდიდან.
საღამო დაჯილდოების საზეიმო ცერემონიით და ფოიერვერკით დასრულდა. ტურნირს სპორტისა და ახალგაზრდობის საქმეთა მინისტრი ლევან ყიფიანი, მისი მოადგილე და ამასთანავე, ბავშვთა და ახალგაზრდობის ეროვნული ცენტრის უფროსი ნუგზარ კევლიშვილი დაესწრნენ, რომლებმაც გარდამავალი თასი გამარჯვებულ გუნდს პირადად გადასცეს.
#მედია