საპარლამენტო უმცირესობის წევრი ზურაბ მელიქიშვილი კოლეგებს მოუწოდებს, ბავშვებს, რომელთაც 6 წელი 31 დეკემბრამდე უსრულდებათ, ნებაყოფლობით სკოლაში შესვლის უფლება მისცენ.
მელიქიშვილმა პარლამენტის პლენარულ სხდომაზე დეპუტატებს მშობელთა საინიციატივო ჯგუფის იგივე შინაარსის თხოვნის წერილი გააცნო და სთხოვა, ამ საკითხს ყველამ არაპოლიტიკური ნიშნით შეხედოს და დაივიწყონ, ვისი ინიციატივაა, ვინაიდან ეს მთელი პარლამენტის წარმატება იქნება.
"მინდა გთხოვოთ როგორც მშობელმა, ამ ასაკის ბავშვები მეც მყავს, თქვენც გყავთ, სწორედ ამ კუთხით შევხედოთ საკითხს და არა იმ კუთხით, თუ რომელი მხრიდან, რომელი სახელის და გვარის მხრიდან არის ინიცირებული კანონპროექტი", - განაცხადა ზურაბ მელიქიშვილმა.