- დღეს თანამდებობიდან ლევან ყიფიანი გადადგა, სწორედ ის იყო მეშვიდე მინისტრი , რომელმაც მთავრობა მას შემდეგ დატოვა რაც პარლამენტმა უკანასკნელად გამოუცხადა ნდობა ღარიბაშვილის გუნდს. დღეიდან ახალი ნდობის გამოცხადებამდე მინისტრთა კაბინეტის წევრები და პრემიერი მოვალეობის შემსრულებლები იქნებიან. ღარიბაშვილს ახალი ნდობის მოსაპოვებლად 75 დეპუტატის მხარდაჭერა სჭირდება.

- პარლამენტში კოალიცია ქართული ოცნების წევრები მზად არიან ირაკლი ღარიბაშვილის გუნდს კიდევ ერთხელ გამოუცხადონ ნდობა თუმცა ასე არ ფიქრობენ მათი ყოფილი თანაგუნდელები - თავისუფალი დემოკრატები არაფორმალური მმართველობის დასრულებაზე ამახვილებენ ყურადღებას და ამისთვის მთავრობაში ბიძინა ივანიშვილის დაბრუნებას ითხოვენ. ერთიანი ნაციონალური მოძრაობა როგორც ეკონომიკური ასევე პოლიტიკური კრიზისის გამოსავლად ტექნიკური მთავრობის ჩამოყალიბებას მიიჩნევს.