ყოფილი პრემიერ-მინიტრის, ორგანიზაცია „მოქალაქის“ დამფუძნებლის ბიძინა ივანიშვილის განცხადებით, რეგიონული განვითარებისა და ინფრასქტრუქტურის სამინისტროს ირგვლივ ჭორების მეტი არაფერია. ამის შესახებ ივანიშვილმა მინისტრთა კაბინეტის რამდენიმე წევრის, მათ შორის რეგიონული განვითარებისა და ინფრასტრუქტურის ყოფილი მინისტრის დავით შავლიაშვილის გადადგომის შესახებ საუბრისას განაცხადა.

ივანიშვილი მთავრობაში მიმდინარე მოვლენებს ჩვეულებრივ მუშა პროცესს უწოდებს და ამბობს, რომ მინისტრებმა კარგი განცხადებები გააკეთეს, კითხევბი არ რჩება. თუცმა ოპოზიციის ნაწილი ამას სხვა კუთხით განიხილავს.

„შავლიაშვილმა გააკეთა განცხადება, რომ ჯანმრთელობის პრობლემა აქვს. სად არის აქ კითხვა, მე არ ვიცი. ინსინუაციები არ სჭირდება ამას, როდესაც პრემიერი გამოდის და აცხადებს, რომ მინისტრმა გეგმა 107 პროცენტით შეასრულა და წარმატებული მინისტრი იყო. გარდა ჭორებისა, რაც შავლიაშვილის ირგვლივაა, ხელში არაფერი გვაქვს, თუ ვინმეს რამე ინფორმაცია აქვს, დარეკეთ „ჯი დი ეს“-ში. მე პირადად გავუძღვები ამ კითხვებს და ჩავყვები ბოლომდე. დღეს ჭორების მეტი ამ სამინისტროს ირგვლივ არაფერი გვაქვს“, - განაცხადა ივანიშვილმა.

ამასთან, მან უწყების ახალი ხელმძღვანელის ნოდარ ჯავახიშვილის შესახებაც ისაუბრა. როგორც მან აღნიშნა, ჯავახიშვილი მთელი გუნდიდან გამორჩეულია თავისი პრინპიციპულობით.

„შევარდნაძის დროს ის ლამის ერთადერთი კაცი იყო, რომელიც იბრძოდა და დაიჭირა ვალუტის კურსი და საერთოდ, თავისი პრინციპულობით გამოირჩეოდა. ამიტომაც, გვაქვს საფუძველი, რომ თუკი რაიმე მოხდა, დაველოდოთ ჯავახიშვილკის მუშაობას“, - განაცხადა ბიძინა ივანიშვილმა.