რესპუბლიკელი თინა ხიდაშელი თავდაცვის მინისტრის პოსტზე მთავრობის მეთაურმა დღეს წარადგინა. ირაკლი ღარიბაშვილის თქმით, მან კოალიციაში კონსულტაციები გაიარა და გადაწყვეტილებაც სწორედ კონსულტაციების შემდეგ მიიღო. პრემიერისვე გადაწყვეტილებით, მინდია ჯანელიძე კვლავ სახელმწიფო უსაფრთხოების საბჭოს მდივნის თანამდებობას დაუბრუნდება.
ღარიბაშვილმა მინისტრობის კანდიდატები ორ ვაკანტურ პოსტზეც წარადგინა. პრემიერის გადაწყვეტილებით, გარემოს დაცვის მინისტრად გიგლა აგულაშვილი, სპორტისა და ახალგაზრდულ საქმეთა მინისტრად კი ტარიელ ხეჩიკაშვილი იქნება.