მტკვრის მარცხენა სანაპიროზე უბედური შემთხვევა მოხდა. ცაბაძის ქუჩის N3-თან, 16 წლის მოზარდმა სიცოცხლე თვითმკვლელობით დაასრულა. მოზარდი საცხოვრებული კორპუსის მეექვსე სართულიდან გადახტა.
გავრცელებული ინფორმაციით, მას ოჯახში კონფლიქტი მოუვიდა. თუმცა, შემთხვევის ადგილზე მყოფმა მისმა ბიძამ ეს ფაქტი უარყო.
ახლობლების ინფორმაციით, ბიჭი დიღომში ცხოვრობდა. ასევე, ცნობილია, რომ მოზარდი ქართულ-ამერიკულ სკოლაში სწავლობდა.
გარდაცვლილის მამა რესტორნების ერთ-ერთი ქსელის მფლობელია.
შსს-ს ინფორმაციით, მომხდართან დაკავშირებით გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.
შემთხევის ადგილზე გარდაცვლილის მამა, ოჯახის ახლობლები და სამართალდამცველები იმყოფებოდნენ.