პარლამენტის თავმჯდომარის, დავით უსუფაშვილის ხუმრობამ სხდომათა დარბაზში მყოფი დეპუტატები და მინისტრები გაამხიარულა.
დღევანდელ რიგგარეშე სხდომაზე ოპოზიციონერმა დეპუტატებმა გიორგი კანდელაკმა და ჩიორა თაქთაქიშვილმა საკუთარ ადგილებთან ვალუტის გადამცვლელი პუნქტის ბანერი დადეს, რომელზეც დოლართან მიმართებაში ლარის გაცვლითი კურსი იყო დაფიქსირებული.
ამ ფაქტს პარლამენტის თავმჯდომარე გამოეხმაურა და კოლეგებს მიმართა - „ბატონო გიორგი, მაგ საქმიანობას ლიცენზია სჭირდება“.
დავით უსუფაშვილის ამ ხუმრობას სხდომათა დარბაზში დეპუტატებისა და მინისტრების სიცილი მოჰყვა.
დღეს საპარლამენტო უმცირესობის წევრი ჩიორა თაქთაქიშვილი დაინტერესდა, პრემიერ-მინისტრმა იცის თუ არა, რამდენი იყო 2012 წლის პირველ ოქტომბრამდე დოლართან მიმართებაში ლარის კურსი.