მსოფლიო ფაშიზმზე გამარჯვების 70 წლისთავს აღნიშნავს. ნაცისტური გერმანიის კაპიტულაციის თარიღი ევროპის მრავალ დედაქალაქში აღნიშნეს. ხსოვნის ცერემონია პარიზშიც გაიმართა. ფაშიზმთან ბრძოლაში დაღუპულთა ხსოვნას ასევე პატივი პარიზში ვიზიტით მყოფმა ამერიკის სახელმწიფო მდივანმა მიაგო. მეორე მსოფლიო ომში გამარჯვების 70 წლისთავი პოლონეთში ცხრა ევროპული სახელმწიფოს პრეზიდენტმა და გაეროს გენერალურმა მდივანმა აღნიშნეს.ხსოვნის ცერემონიაზე გამოსვლისას, პოლონეთის პრეზიდენტმა განაცხადა, რომ მეორე მსოფლიო ომი ორი ტოტალიტარული რეჟიმის, კომუნისტური და ნაცისტურის თანამშრომლობის შედეგად დაიწყო. გერმანიის საგარეოს საქმეთა მინისტრმა კი რუს კოლეგასთან ერთად მონაწილეობა მიიღო რუსეთის ქალაქ ვოლგოგრადში, გამარჯვების 70 წლისთავისადმი მიძღვნილ ღონისძიებებში.