ქობულეთში მომხდარი უბედური შემთხვევის დროს გადაღებული კადრები, რომელიც „რუსთავი 2“-მა გაავრცელა, „ჯორჯიან ველოტურის“ წევრებმა თეგა ხაბაზმა და დიეგო ბოლქვაძემ გადაიღეს.

გარდაცვლილი ბავშვების ცხედრების იდენტიფიცირება ძლიერი დამწვრობის გამო ბათუმში ვერ მოხერხდა. აჭარის ჯანდაცვის სამინისტროს ცნობით, იდენტიფიცირება დნმ-ის ანალიზის მეშვეობით მოხდება. ცხედრებს რუსთავში მიასვენებენ.

ხანძარი ქობულეთში, ჰასან ართმელაძის კუთვნილ სასტუმროში გამთენიისას გაჩნდა. სასტუმრო „არმაზში“ რუსთავიდან ჩასული ბავშვთა ცეკვის ანსამბლის წევრები და მათი მშობლები იმყოფებოდნენ. ხანძრის შედეგად, სამი არასრულწლოვანი ბიჭი გარდაიცვალა.