დიზაინერ ალექსანდრე არუთინოვს ბავშვობის ოცნებებიდან და სიზმრებიდან მეხსიერებაში ყველაზე მკაფიოდ ნიკო ფიროსმანი დარჩა. სწორედ ამიტომ, რუსეთში მოღვაწე ქართველმა დიზაინერმა ფიროსმანის შემოქმედება ტილოდან ქსოვილზე გადაიტანა და ყველაზე თვალშისაცემი 2015-2016 წლის შემოდგომა-ზამთრის კოლექცია შექმნა.
რუსული აღიარების შემდეგ, ფიროსმანის კოლექციით ყველაზე კრიტიკული ქართული საზოგადოების წინაშე წარდგა. სხვა ქვეყნების შემდეგ, მოწონება საქართველოშიც დაიმსახურა, თუმცა თბილისიდან მოსკოვში წყენაც მიაქვს.
თბილისიდან მოსკოვში 15 წლის წინ ჩაფრინდა. რამდენიმე მილიონიან ქალაქში ძლიერი კონკურენცია და ცივი გარემო დახვდა. ბევრი შრომისა და მეგობრების დახმარებით დღეს დიზაინერის ტანისამოსი პირველი ეშელონის ქალბატონებს აცვიათ. მოსკოვში ცენტრში „პრადასა“ და „მიუ მიუს“ მაღაზიების გვერდით დღეს ქართველი დიზაინერის შოურუმია. აქ მოხვედრა ყველას არ შეუძლია. ტანსაცმელს ხელით და მცირე რაოდენობით ქმნის.
ავტორები: ეკა მელიქიძე, ელენე ცინცაძე, ნინო ჭანია, გიორგი რომანაძე