გურჯაანმა რესპუბლიკის დამსახურებულ არტისტს, ოპერის თეატრის სოლისტს, მზია დავითაშვილს უმასპინძლა. მისი ოპერის თეატრში მოღვაწეობის 35 წლისთავისადმი მიძღვნილი შემოქმედებითი საღამო სამუსიკო სკოლის დარბაზში გამგეობის კულტურის სამსახურისა და სამუსიკო სკოლების გაერთიანების მხარდაჭერით გაიმართა. მზია დავითაშვილი წარმოშობით ვაზისუბნიდანაა, მას 2013 წელს გურჯაანის საპატიო მოქალაქის წოდება მიენიჭა. კონცერტს მისი ნიჭის თავყვანისმცემლები დაესწრნენ.